O programa onde a música non quixo soar

>> quarta-feira, 13 de junho de 2007

Comezamos un chisco tarde, as 20:07h, pero chegamos cargados de cousas.

Falamos con Antón o autor do blog Paxaradas, que aparece no primeiro posto da web Alianzo. Antón comentounos os contidos básicos do blog, no que pendura traballos de banda deseñada que antes se publicaban en formato papel. Tamén nos dixo se foi espallando Paxaradas a partir do seu grupo de coñecidos. Pola ollada que puidemos botar, paga a pena a visita, aí tedes o link.

Aínda que non adoitamos falar de economía, os datos que apareceron esta semana nos xornais fixeron que estivésemos na obriga de facelo. Rubén comentou a situación da economía galega, que medra case un punto por riba da media española. Nesta liña, comentamos os novos datos dos padróns municipais, nos que Galicia posúe hoxe 2.771.341 habitantes, dos que 81.023 son chegados de fóra. A variación de poboación neste ano foi positiva, +3.817 habitantes, grazas aos inmigrantes claro está. Nunca o noso país tivo unha chegada de inmigrantes deste tipo, bo sinal non?. Algo está cambiando...

No Laboratori XXI falámos do cancro de útero, pois no Hospital do Mar en Barcelona acaban de botar a andar unha nova técnica de diagnóstico para facer citoloxías que se chama citoloxía en medio líquido. Parece que a nova metodoloxía permite aumentar o número de citoloxías por hora e amais mellorar a fiabilidade.

Pechamos falando da Festa do Boi de Allariz con Judith Vázquez, que estivo esta fin de semana por alí e que nos achegou o ambiente que se viviu na vila ourensá.

Por certo, ao noso técnico Jordi non lle gustou aquilo de Bésame, soy gallego de Siniestro Total e non puidemos escoitala. A semana que vén estará o Pol, a ver se hai sorte!

4 comentários:

An 13 de junho de 2007 às 13:57  

Grazas pola entrevista, foi un pracer pra min, a ver se podo escoitarvos máis a cotio, unha aperta

An 21 de junho de 2007 às 15:24  

Amigos, non poderiades mandarme o audio da entrevista...ninguen me pudo grabar ;) un saudo

Anónimo,  2 de setembro de 2007 às 15:20  

Atenció, non es verdad que no me gustara la música de Siniestro Total y menos, eso de Bésame, soy galego. Lo que ocurre es que me traen unos CD's en unas condiciones, que no suenan ni a la de tres. Que quede claro. Ràdio Trinitat Vella non se face responsable del material traido por los componentes de cada programa. Por cierto, un saludo a todos los seguidores de Barcelona Atlàntica. Nos escoitamos pronto.
JORDI "el técnico de aquel dia"

An 3 de setembro de 2007 às 12:05  

Actualizade...e seguo a esperar o audio :P Saudos

Publicar um comentário

About This Blog

Entradas máis populares

  © Blogger template Werd by Ourblogtemplates.com 2009

Back to TOP